¿Ampeeski FIRA?

Pakatperakueecha tumina marhuatakueeri énkaksï júkskakueeri ampe jarhuap’ejka, FIRA jinteesti uánekua pakatperakueecha énka kúnkuarhint’aka jima Administración Pública Federal uératini, uaxatanhastiksï pari jarhuani imeechani énkaksï tarherieka ka júkskatiika ka ístu anhatapueri ampe ka kurucha jupimatiicha iámintu ixu México anapuecha.

FIRA jarhuap’esïnti tumina ampe kuánpeni ka máteru jásï jarhuap’ekua éski arhits’ïkua, jorhentpekua; jima jarhastiksï uánikua ánchekuarhirhiicha énkaksï táchani ampe jarhuap’ejka éski:

• Bancoecha
• Sociedades Financiera de Objeto múltiple (SOFOMES)
• Arrendadoras Financieraecha
• Almacenes Generales de Depósito
• Empresas de factoraje Financiero
• Sociedades Cooperativas de Ahorro y Préstamo (Cooperativas)
• Sociedades Financieras Populareecha (SOFIPOS)
• Uniones de Crédito

Kuánpekua:

Máteru kúnkuarhikuechani jimpo énkaksï ixu karanharhikukata jaka.

Kuánpekua no ióni ísï jimpo:

Uétarhinchakua: Piáratarani uétarhinchakueechani ka marhuatakueechani, ánchekuarhiriicheari meiamukua, ka máteru ampe énka tumina uétarhiaka.

• Prendario y Comercialización: Jarhuatakua tumina jimpo imani empresa arhikateechani énkaksï uéjka
• Factoraje: Jarhuatakua imani tumina éka nótki euap’eni jauaka sïrantechani jimpo éski: Facturaecha, Reciboecha, Pagareecha, Letra de cambio ka ístu máteru ampe

Kuánpekua ióni ísï jimpo:

Tumina jimpo jarhuap’ekua pari marhuatani ka piánhani ka meiampitarani ánchitakuechani ka marhuatakueechani énkaksï ánchitakuarhu marhuatanhaaka.

Jarhuatakua tarhetarhu ísï anapu:

Tumineeri kuánpekua pari iámintu ampe énka júkskakueeri ka tarhetarhu ísï marhuatanhaaka, ka énka ampe jarhuataka pari ánchekuarhikua jarhani ka tumina antakuarhinhani jima énka ireteecha no niarani 50,000 ísï irenhani.

Sapichu kuámpekua.

Pari imeecha énkaksï tuminu jimpo jarhuatpijka kuántaparini máteruechani jarhuataparini

no káni tumina jinkoni jimaesï énka iretarhu no jarhajka inte jásï jarhuap’ekua. I xásï jarhoatperata no tuminu kuankuarhisïnti akua jimpo.

Meiampekua

Uinhapirasïnkaksï imeechani énkaksï juchantsïni jarhuatajka ékaksï no úni jauaka tuminani k’uanaskunt’ani jimpoka máteruecha no meiampitani jauaka. Nóksï arhiasïnka éskaksï no meiampint’aaka jimpoki ima tumina jatsistiksï pari íntsïpint’aksï tsïmanki kuánkorheka ka úatiksï meiampint’ani.

Erakunhaati ima jarhuap’erakueecha tuminaeri énkaksï iámintu ampe íntspent’aka sïranta ampe éski na kurhakuaka FIRA ka imeeri ánchekuarhiriicha ka úati íntsïnanksï tumina FIRArhu anapu o máteru néechani jimpo.

Jarhuap’erakueecha

Parikiri úaka íntsïnani tumineeri jarhuap’erakuani ka úniri xanhatani ma ánchitakua énkari eratseka, jarhuasïnkaksïni pariri meiamuani jorhenhatiichani énkaksïni jarhuataka sési eratseni nani na kantsani imani ánchetakuani.

Jarhuasïnkaksï arini ampeechani jinkoni:

• Fortalecimiento empresarial
• Desarrollo de esquemas de proveeduría con la industria
• Articulación e integración de redes de productores al mercado
• Asesoría y capacitación para el uso y generación de energías alternativas
• Asesoría, capacitación e implementación de tecnologías de producción sostenible
• Fortalecimiento de intermediarios financiero que quieran ampliar su cobertura de servicios al medio rural

Centros de Desarrollo Tecnológico (CDT’s)

FIRA jatsiasti iúmu k’éri k’umanchekueechani énkaksï marhuatani jaka jimpanhi janhaskakueechani ka ánchitakueechani ka ístu jima jorhentpenhasïnti iámu ampe énka uétarhiaka júkskakuarhu ka tarhetarhu.

K’umanchikueecha jarhasti:

• CDT Tezoyuca (Tezoyuca, Morelos)
• CDT Tantakin (Tzucacab, Yucatán)
• CDT La Noria (Tamuín, San Luis Potosí)
• CDT Salvador Lira López (Morelia, Michoacán)
• CDT Villadiego (Valle de Santiago, Guanajuato)

Úakari sánteru mítini arini ampeeri:

http://www.fira.gob.mx/Nd/CdtsAcerca.jsp

¡Júts’ïni antarherani! Uantap’etarakua 01 800 999 3472

Compartir Postear